Shillong, Jymmang 23: U Lamphang jong ka iing dorbar thawain ka jylla u bah Metbah Lyngdoh mynta ka sngi u la ong ba shuwa ban shim ia kano kano ka rai yn phah jurip shuwa ha ka kynhun kaba lait luid “Third Party Audit” ia baroh lai tylli ki bynta jong ka iing dorbar thawain.
Katei ka iing dorbar thawain ka don lai tylli ki bynta, ka bynta kaba shatei, ka bynta kaba shathie bad ka bynta kaba ha pdeng, ka Dome jong ka tnum jong ka iing dorbar kaba khyllem ka dei kaba hap pdeng, ka jingphah jurip kan long ha kano kano ka IIT tangba kam dei shuh ka IIT Roorkee na Delhi.
U Lamphang ka iing dorbar la ong ba ia mynta ympat lah ban ong ei ei haduh katno kane ka jingkhyllam ka Dome kan ktah ia ka iing dorbar baroh kawei, na ka jingiakren mynta ka sngi la sngewthuh ba ka lah ban long tang na ki ar tylli kiei kiei, kawei ka lah ban long ka jingbakla na ka liang jong kiba pynwan bad dro dur bad kawei ka lah ban don ka jingduna na u kontraktor haba ia dei bad ka jingtrei ia ka iing dorbar.
Lada na ka liang jong kiba pynwan bad drodur dwndur la da ka don ka jingduna u hap ban shim ia ka jingkitkhlieh lada ka don hangta, u Design Associate, na ka liang jong ka jingtei pat kan long na ka liang jong ki kontraktor bad ba peit ia kane ia ka jingtei ia katei ka Assembly, ia mynta ym pat lah ban shim rai namar ka HPC kan dang shong la shai.
U Lamphang ka iing dorbar u la ong ba u don ka jingsngew ba kin wat ia ka tyllong jong ka daw mano ban shim ia ka jingkit khlieh ia ka jingtwa jong ka Dome kata ka long kaba hakhmat eh, ha dien ba la dep ban wat ia kine kiei kiei baroh bad ban bteng ia ka jingshna ia kane ka iing dorbar don ban don da ka kynhun jurip kaba laitluid “Third Party Audit”.
Kane kan long na ka bynta ki bynta jong ka iing kiba la dep ban shna kiba khlemjot bad iaki bynta baroh ar tylli kaba don sha kdiang bad sha kamon ha dien kata kin sa lah ban leh kaei nangne sha khmat. La iathuh ba la shai ka sngi un sa leit jngoh ryngkat u mytnri rangbah ka jylla bad ka HPC ia katei ka jingtwa.
U Lamphang u la ong ban wat ia ka daw tynrai halor kane ka jinghap jong ka Dome, kaba mut kan don ka kynhun tohkit la ka long ha kano kano ka dur ruh ban lap ia ka jingshisha ia kane yn sa buh hakhmat jong ka HPC ka ban sa long la shai ka sngi ban shim ia ka rai bad un sa pyntip.
