Shillong, Risaw 01: U nongialam ka liang pyrshah u Dr. Mukul Sangma u la ong ba un leit sha Delhi ha ka sngi u blei ban ia kynduh ia ki nongialam ka AICC ban ia pynbeit ia ki jingeh kiba la mih hapoh ka party.
Haba kren ha ki lat pathai khubor myntaka sngi u la ong ba u shu kren ia kaei kaba mih ha ki lat pathai khubor, kila don ruh kiba phone bad u la jubab ruh ia ki, la juh ong ba ki don katto katne ki mat kiba dei ban ia kren bad ia pynbeit tang hapoh ka party, hynrei dei ban sngewthuh ruh kumno phin jubab ia kum kita ban ia pynbeit ia ki jingeh hapoh ka party.
Ka dei ba bun sien ymjuh lah ban ia pynbeit ia ki jingeh tang hapoh ka party dei na kane ka daw ba kine ki khubor kimih, ka jingshisha ka long ba haba don ka jingthmu ban ia pynbeit ban weng ia ka jingeh kane ka jingiapynbeit kan wan hi, nga don ka lat ban leit sha Delhi bad la ong ba kin hap ban ia shong biang ban ia kren.
La ong ba la shai ka sngi kan don ka jingialang jong ka ilekshon kommittee jong ka MPCC ban ia kren ia ki kyrtong jong ka party namar ba kin don lai tylli ki ilekshon shiteng samoi ha ka jylla, ha kaba ka Congress kala jop na Mawryngkeng bad Rajabla, ka don ruh ka ilekshon ha Mawphlang.
U Dr Mukul u la ong ba ha ka sngi u blei u lah ban leit sha Delhi, ngin pyrshang ban ia pynbeit bad nga juh ong ba ymd ei ban don kano kano ka jingartatien, hynrei kijuh don ki jigneh bad ban pynbeit ia ki jingeh don kam ruh ia ka jingiashah nga kyrmen ba baroh ki don ki kyndon kiba lah ban weng ia ka jingeh kin long kiba lah ban leh bad lada lah ban leh kin kut noh tang hapoh ka party.
Ha ka jingshisha kila don kato katne ki nongialam bala rangbah kila kylla sohpdung bad la iohi ba ki nongialam kila hap ban mih na ka party, kine ki long ki dak ki shin kiba rit eh kiba paw shabar ha ka jingshisha ia kine dei ban pynbeit ha ka por kaba biang shuwa ban wan ka ilekshon ha ka jingshisha kam dei ban mih kumne nga khlem ia thuh namar kwah ban ia pynbeit hapoh ka party.
U Dr Mukul u la ong ba kala don ka jingpyrshang na kiwei ki party ban khring ia ki MLA jong ka Congress hynrei kila lah ban iada na kata, kumba long ha kiwei ki jylla ki MLA ki shah khring bad kane ka dei ka kam kaba eh tam ban leh, kum u nongialam hap ban sngap ia ka jingeh jong ki namar kane kam dei ka jingeh shimet jong nga dei ban sngewthuh shai ia kata.
Haba ia kren ia ka jingeh hapoh ka party kata ka dei ban neh hapoh ka party, kam long ban kren bad kaba bha ka long ban pynbeit ia ki jingeh hapoh ka party bad kum ki nongialam dei ban lait na ka jingdon ia ka jingartatien, kane ka jingong ba ki don 13 ngut ki MLA kane ka khubor la thoh naduh ki snem 2018.
Ka jingshisha ka long ba kila lah ban iada na ka jingshah tam ki MLA jong ka party ha kiwei bad ia kane ki kwah ban iada haduh ban da poi ka ilekshon MLA ha u snem 2023, hynrei mynta phi iohi ba ka don ka jingphet seng kyndit haba la pynbna ilekshon kane ka long ka jingjia haba ym lah ban pynbeit ha ka por ba biang.
U Dr Mukul la ong ba u wei na ki nongialam party bala rim u MDC jong ka KHADC u la ieh ia ka party ym shym poi pyrkhat ba kane kan jia hynrei ka don ka daw na ka bynta kane, ka dei ia ngi ban shim ia ka jingkit khlieh ha ka jingpynkhlain ia ka party kam dei ban jia kumne bad ha u snem 2018 ruh katno ngut ki briew kila ieh ia ka party.
Kine ki jingjia ki juh jia ha ka sian pyrthei haba ia ki jingeh ym lah ban pynbeit ha ka por ba biang ngi long shai ba ia kane ka jingeh dei ban pynbeit u Dr Mukul la ong bay m kwah ban long langknia na ka jingaipeit matdong, ha ka jingshisha ia kum kane ka khubor ka dei ban mih na ki trai bad ia dei bad ka kam bad ha kata ka por lah ban thoh ba kan long ka jingshisha
U Dr Mukul la ong ba iai ap namar ym nym lah ban pynbeit ha kawei ka jingiashnong bad ki lah ban don shibun kilat ki lynti kaba kin ia kren hapoh ka party namar ngan leit sha Delhi la sngi u blei, kane ka jingmut dur ka dang long kloi eh ban pyrkhat ia kum kine ki jingeh ki lah ban iaid ha ki por kiba la leit.
Haba ia dei bad kane ka ilekshon shiteng samoi ki don lai tylli ki MLA konstitwensi, ka Mawryngkneng, Mawphlang bad ka Rajabala, ka long kaba don kam ban ia kren bha bad kaei kaba juh leh ka long ba ka Election Committee ka shnong bad phah ia ki kyrteng sha ka AICC ban ioh ia ka jingmynjur kane kaba ki juh leh.
Na ka jingpeit jong nga, ngam don kano kano ka jingburom ia ka Shashi Tharoor, ha ka jingshisha dei ban long kiba iashah, kaei kaba jia ha Pynjab lah ban kiar lada la leh kumba leh ha kane ka jylla Meghalaya, ban pynbeit ka shong ha ki briew namar ki briew ki don la ka jong ka jong ka rukom leh, ha ka jingshisha ia ki jingeh ym dei ban tip ka pyrthei.
Ka jingeh ka long ba kam don ka mon ban weng ia ki jingeh dei na kane ka daw ba ki hap ban don ka jingiashah bad ka jingpynbeit kam dei ban don tang shilynti hynrei ka dei ban long ar lynti kaei kaba ioh ha Punjab
