Shillong, Nohprah 10: Ka ophis jong ka Deputy Commissioner ka East Khasi Hills District kala phah da ka jingthoh sha ka KHADC ban pan ia ki kur Khasi ban pynbeit ia ki kyeteng jong ki ban thep vote ha ka MDC elekshon 2025.
Ki thymmei khubor ki iathuh ba kila mih bun ki jaid khasi ha ka Electoral Roll ha kaba ym lah ban sngewthuh kumta na ka liang ka ophis jong ka DC East Khasi Hills District kala pan ia ki kyrteng ki jaid khasi na District council ban pynshisha bad kaba don ha ka electoral roll.
Kiban ioh thep vote sha ka election KHADC ki dei tang ki trai shnong Khasi bad Garo katba ia kiwei ki jaidbynriew ym shah ban thep vote ban jied MDC wat la ki ki dei ki riewlum ha kane ka jylla Meghalaya.
Ki District kiba hap ka u pud u sam jong ka KHADC, ka dei ka East Khasi Hills District, Ri Bhoi District, West Khasi Hills District, South West Khasi Hills District bad Eastern West Khasi Hills District.
