Shillong, Nailur 24: Ban pynjan ia ka bishar khaddar sha ki paidbah u Chief Executive member jong ka KHADC u bah Titosstarwell Chyne mynta ka sngi la plie ia ka iing bishar ha Nongstoin ha West Khasi Hills District, kane ka dei ka iing bisahr kaba ar jong ka District Council.
Haba kren ha ka jingialang ban plie ia kane ka iing bishar u CEM ka KHADC, la ong ba ka jingthmu jong ka KHADC ka long ban pynjan ia ka jingbishar sha ki paidbah bad mytna ki paidbah kim don kam shuh ban wan sha Shillong ia ki kam mukotduma ki lah ban tian bsihar ha Nongstoin.
Ha kane ka sngi ki Executive member jong ka KHADC kiba la ia don lang ban sakhi ia kane ka jingplie ia ka iing bsiahr ki long u bah Bah Gigur Myrthong, Dy. CEM, Bah T. Pathaw, Executive Member ba dei peit ia ka tnad shna iign jong ka KHADC, Bah Jambor War, ka kong Grace Mary Kharpuri kaba la pyniaid ia ka jingialang.
Ha kane ka sngi u nongbishar ba rangbah jong ka District Council Court u bah S. Kharsyiemlieh ruh ia la ia don lang, kyntup ia u bah Gabriel Wahlang, ki MDC barim ka Nongstoiñ Constituency, ki nongtrei ka Council bad kiwei kiwei.
Ha kane ka sngi u bah Jambor War, Executive Member ba dei peit ia ka tnad Elaka ki la leit ban jurip ia ka jingkieng iaid kjat ka ban pyniasoh ia ka shnong Tiehsaw bad Upper New Nongstoiñ kaba la sahkut mynta la bun bun snem.
Kane ka jingkieng iaid kjat ka dei kaba kongsan bha ha kaba la mang ban pyntrei ia ka naduh ka por ba u Bah L.G Nongsiej u dang long kum u MDC hynrei haduh mynta ym shym la lah ban pynurlong satia namar ka jingbym ioh ia ka mang tyngka ba pura.
