Shillong, Nohprah 06: Mynta ka sngi ka Meghalaya Basin Management Agency (MBMA) bad ka National Institute of Plant Health Management (NIPHM) bad ka tnad rep ka sorkar pdeng kila ia soi ia ka Soskular ban pynmih khambun u shynrai na kane kajylla Meghalaya.
Kane ka jingiatrelang ka long ban pynbiang ia ka jingduna ha kaba pynmih ia u shynrai, khamtam ia jingthung ba don jingia dei bad ka koit ka khiah bad ban wanrah ia ka rukom rep kaba bha bad kaba biang.
Ia kane ka soskular la ia soi da u Dr Vijay Kumar D., IAS, Commissioner bad Secretary ba dei ruh u CEO MBMA bad u Dr. Sagar Hanuman Singh, Director General, NIPHM. Kane ka long ban rep ia u shynrai katkum ki kyndon kiba ka pyrthei kala bthah.
Kane ka long ban pynioh ia u shynrai u ba bha bad ban lah ban pyniaid sha ka pyrthei, kane ka jingiatreilang kan iarap ban ioh ia ki stad thung kaba katkum kane ka juk kaba mynta bad kan iarap ia ka MBMA, kane kan iarap ia ki nongrep ha West Jiantia Hills District.
