Shillong, Jylliew 05: Ki shipai BSF ban pynsngewthuh ia ki paidbah ia ka jingdon kam ban pynneh pynsah ia ka mariang, mynta ka sngi kila pynlong ia ka jingrakhe ban pynneh ia mariang 2024, katkum ka thong ban pynkhi im biang ia ka mariang ban iada ioh kylla ri shyiap bad na ka jingrang tyrkhong.
Ha kane ka sngi ki shipai BSF kila shim ia ka jingkut jingmut ban ialeh katba lah ban wanrah ia ka jingkylla bad ban pynsngewthuh ia ki briew ba ka long kaba don kam ban iada ia ka mariang, ha kane ka sngi la pynlong ia ka jingthung dieng ha ki bun ki jaka bapher bapher jong ki BSF khamtam ha ki BOPs.
Ka kynhun shipai BSF na ka 172 battalion kila pynlong ruh ia ka jingsam ei ia ki tynrai dieng sha ki shnong bad ban pynsngewthuhia ki ia ka jingdon kam ban wan rah ia ka jingkylla ha ka rukom pyrkhat ban pynneh ia ka mariang.
Ki khynnah skul jong ki BSF kila ia don lang ha kaba ia shim bynta ha ka jingiakop dro ha kaba ia dei bad ka mariang bad ka jingiakop thoh ese ka jingpynkhuid ia ki sawdong saw kum jong ka skul khamtam ban weng ia ki plastic kiba don hapoh phyllaw jong ka skul.
