Shillong, Iaiong 13: Ki nongrep na kane ka jylla Meghalaya kila wan ban ia shim bynta ha ka “Mei Ramew Farmers’ Market” ban wan die ia ki jhur kaba ki la rep ia kabala pyniaid daka North East Slow Food and Agrobiodiversity Society (NESFAS) ia kaba la pynlong ha ophis jong ka ha Laitumkhrah.
Ki jhur kiba la wan die sha kane ka iew ki dei kiba la thung khlem da pyndon kam dawai ki shnong kiba la wan ban ia shim bynta ki long na Liarsluid, Ri-Bhoi district, Mawlum Mawjahksew na West Khasi Hills district bad Umsawwar na East Khasi Hills district, Meghalaya.
U bah Lambinus Raliang ba trei bad ka Assam Don Bosco University u la ong ba kane ka jaid iew ka iarap ia ki paidbah ban sngewthuh ia ki jaid jhur khlaw ban pyndon kam ia ki kumno ban bam bad kane ka iarap ban pynneh pynsah ia ka mariang.
U Leshiphro Kashena u ba dei na ka kynhun Innovation Associate of the National Innovation Foundation India u la ong ba ka long kaei kaei kaba bha ban iohi ba kane ka rukom rep ka don jingiadei bad ka mariang.
Ha kane ka sngi ki nongrep kiba la ban wan ia shim bynta kila ioh ia lad ban pynsngew ia ka rukomrep ka jong ki bad ki da sngewsarong ban ioh ban pynshai ia kaei kaba ki rep. ka jingthmu jong kane ka jingpyninam ia ki marrep ka long ban pynshlur ia ka rep kaba khlem pyndon kam dawai.
