Shillong, Nailar 28: Kawei na ki bynta jong ka Meghalaya Mission 2028 ban kyntiew ia ka jingpyndon kam ia ki kor ki bor jong kane ka juk kaba mynta ka tnad Information Technology bad Communication, Government jong ka sorkar Meghalaya kala ia soi ia ka soskular bad ka National Institute for Smart Government (NISG) ka kynhun bala seng da ka sorkar pdeng ha u snem 2002.
U myntri rangbah ka jylla u Conrad K Sangma u la pynpaw ia ka jingsngew kmen ka jong u ba ka jylla Meghalaya ka dei kawei na ki don bynta ban pynshlur ia ka National Institute for Smart Government (NISG), bad ka sorkar Meghalaya ka kwah ban pyndon kam ba kan long ka nongkyrshan na kabnta ki lat ia jingtip ban long ia ka jylla Meghalaya ka dpeng jong ka lat ban kyntiew ia ki kor ki bor ban long ka lat ia kam ia ki samla ha ka Information Technology.
Ki bynta ba kongsan ha kane ka soskular kaba la ia soi ka long ban hikai ia ki samla bakin long kiba bit ban ioh kam ha ki kam karkhana da ka jingiatreilang bad ki tnad sorkar pdeng, ki kynhun bei pisa jong ka pyrthei bad ki kynhun ban pyntrei ia ki kampynroi, ban kyntiew ha ki jingpule bad ha ki jingwat bniah bad kin wat kumno ban weng ia ki jingeh kumno ban pynkhreh ia ki rukom trei kam ia ka jylla Meghalaya bad ia ka Ri India bad ki UTs.
U Rajiv Bansal, Chief Executive Officer ka NISG bad dei ruh Secretary ba rim jong ka sorkar pdeng u la pynpaw ia ka jingsngew kmen ban ia treilang bad ka sorkar Meghalaya ban iarap ia ka jylla Meghalaya kumwei na ki jylla kaba don ia ka kynhun ki khraw pyrkhat ban pynlurlog ia ki jingthmu bad jingangnud jong ka sorkar ia kaba ki paidbah kin ioh jingmyntoi bad ki nongtrei ka jylla kin iaid katkum kane ka juk kaba mynta.
U Sampath Kumar, Development Commissioner bad Principal Secretary jong ka sorkar Meghalaya u la ai ka jingiarap ia ka NISG kaba la juh kyrshan ia ka jylla Meghalaya ban pynurlong ia ki polisi treikam lyngba ki kor ki bor jong kane ka juk kaba mynta ha kabaki juh long ki nongkyrshan ban ioh ia ki briew ba tbit ha kiwei kiwei ki tnad sorkar ban kyntiew ia ka jinglah ban treikam.
Kane ka hap ha ka jingpeit jong ka Ministry of Electronicsbad Information Technology, ia kane ka soskular la ia soi na ka liang ka sorkar Meghalaya u Sampath Kumar IAS, Development Commissioner bad Principal Secretary, Pravin Bakshi IAS, Commissioner bad Secretary IT&C jong ka NISG, Veerraju Naidu, Chief Finance Officer bad Regional Business Head, Murali Bommireddy Associate Vice President, Chakradhar Vunna, Senior General Manager bad Stephen Anurag Prathipati, Project Officer, la ia soi ha Additional Secretariat ha Shillong.
