Shillong, Nohprah 11: Mynta ka sngi ka kynhun ki seng samla pule ka thain shatei lam mih ngi ka Ri India kila pynlong ia ka jingwah lama bad pla karad ha kylleng ki nongbah jong ki jylla kane thainshatei Lammihngi ka Ri India ban pyrshah ia ka jingpynliang ia ka CAA ha kne ka sngi.
Ka kynhun ki seng samla pule ka North East Student’s Organisation (NESO) kala niew ia kane ka sngi kum ka sngi kaba dum na ka bynta kane ka thainshatei Lamihngi ka Ri India ba dei ha kane ka sngi ba iing dorbar bah ka Ri India Parlament kala pdiang ia kane ka ain CAA ha u snem 2019.
Ki seng samla pule kane ka thain shatei lammih ngi ka Ri India kila pyrshah ia ka CAB ha kato ka por kaba la long mynta ka CAA, ka seng KSU kaba dei ka kynhun jong ka NESO mynta ka sngi ha Shillong kala wah ia ki jingthoh ha kylleng ki bynta ka sor Shillong pynpaw ia ka jingpyrshah.
Ha kane ka sngi ki pulit kila sdang ban weng ruh ia ki pla kard katba ki dkhot jong ka seng KSU ki dang the ia ki pla kard ha ki katto katne ki bynta kane ka nongbah Shillong ban pynpaw ia ka jingsngew pyrshah ia ka CAA.
