Shillong, K.Lyngkot 23: Ban pyrshah ia ka jingshah shoh bad shah pynmynsaw ki ar ngut ki briew ha kine ki khyndait sngi ha ki thain Lumdingjri mynta ka sngi kato katne ki bar jylla kila pynlong ia ka jingshong kyllain mungor ha Khyndailad.
Ha kane ka jingshong kyllain mungor la rah ia ki jingthoh kiba la kdew ia ki jingjia ha u snem 1979 u snem 1987 bad 2022, ha kane ka jingshong kyllain mungor mynta ka sngi ka long ban dawa ban pynshitom ia kito kiba don kti ha ki kam sniew.
Na ki jingtoh kiba la thoh ha kane ka jingshong kyllain mungor mynta ka sngi da ki katto katne ngut ha bar jylla la thoh ba dei ban sangeh kine ki jingia pynmynsaw ba wanrah ia ka jingiapher jaidbynriew bad ki pynrem jur ia kum kine ki jingjia.
Ha kane ka sngi na ka liang jong ki pulit kila pahara bha ban peit ba kan nym don kano kano ka jingjia ba sngewsih, na ka liang jong ki pulit ruh ki dang thwet ia ki nongleh kam sniew ban pynshitom ia ki katkum ka ain.
