Shillong, Risaw 01: U Myntri rangbah ka jylla u Cornad K Sangma mynta ka sngi u la plie paidbah ia ka iing skul ba thymmai ka St Andrew’s Secondary School Block ha Reking ha North Garo Hills District.
Ha kane ka jingialang paidbah ban plie ia katei ka iing skul kaba thymmai, u mytnri rangbah ka jylla u la ong ba ka jylla Meghalaya kan sa rakhe ia ka jingdap 50 snem ha u snem ban wan 2022 bad kum ka jingrakhe ia ka lyngkhuh snem ka sorkar kan plie paidbah 50 tylli ki skhim pynroi ha ka jylla.
U Myntri Rangbah ka jylla u Conrad u la ong ba ka sorkar jylla kala buh ha khmat eh ia ka tnad pule puthi ha kane ka jylla bad ka sorkar kala pynlut shibun ka pisa ban tei ia ki jaka pule ha ka jylla ban kyntiew ia ka pule puthi.
Dei na kane ka daw ba ka sorkar kala dep ban man pisa mar T. 12 klur ban tei ia ka kolej ha Williamnagar bad Baghmara ia kaba ynsa plie ha u snem ban wan.Ha kane ka jingialang la ong ba ka Model College ha Rongjeng East Garo Hills ruh la jan dep.
Ha kane ka jingialang ban plie katei ka iing skul u myntri rangbah u la pynpaw ia ka jingsngewsih ban iohi ia ka jingduna kiba pass ha ka HSSLC bad SSLC, ka sorkar kan sa ia kren bad ki nongpyniaid skul ba pynrhikna ba ki sam la pule ki dei ban bun kiba pass ia ki eksamin.
Ha kane ka sngi plie ia katei ka ksul la don lang ruh u Lamphang synrap u Timothy D Shira u MLAs Rupert Momin bad Pongseng Marak, ha kane ka jingialang la ong ba ka sorkar kala khot ia u myntri rangbahduh jong ka Ri ban ia wan skhi lang ia ka jingrakhe ia ka jingdap 50 snem ka jylla.
Ha kane ka sngi u mytnri rangbah ka jylla u la ia kynduh ruh ia ki kynhun jong ki nongrep ha Adogre ha North Garo Hills District ha kaba u mytnri rangbah ka jylla u la pynshlur ia ki nongrep ban pynmih shibun ki marrep,ha kane ka jingialang la ong ba ka sorkar kala thaw ia ka FOCUS ban weng ia ka jingeh ki nongrep.
La ong ba ka sorkar kan pynthikna ba ka rep ka riang ha jylla kan paw shynna ba ka rep ka riang kan long kawei neh bad kaba sah ba kan ai jingmyntoi ia ki nongrep ha ka jylla, ha kane ka sngi u la sam ruh ia ki shek sha ki 35 tylli ki kynhun kaba la kot sha ka T.31.15 lak tyngka.
