Shillong, Risaw 18: U Myntri symbut rangbah ka jylla u bah Prestone Tynsong mynta ka sngi u la khot ia ka jingialang bad ki briew jong ka National Highway of India Development Corporation Limited (NHIDCL) ban ia kren halor ka surok na Umsherpi sha Tamabil ka ban pyntrei da ka Japan International Cooperation Agency (JICA).
Haba kren ha ki lad pathai khubor mynta ka sngi u Bah Prestone Tynsong symbut myntri rangbah ka jylla ba dei peit ia ka tnad shna surok u la iathuh ba mynta kaba sha mynta ka long ban siew ia kabai jaka bad kane ka kam kala iaid sha khmat.
Haba ia dei bad ki jaka jong ki shipai la ong ba ka sorkar pdeng kan sa shim ia kane ka bynta ban ia pynbeit bad ka tnad shipai ha Delhi. La iathuh ba ka surok na Umsherpi sha Pomlum kan long “four lane” bad na Pom lum sha Tamabil kan long “Two Lane”.
Ia kane ka surok la phah ha ki saw bynta, na Nongpdeng sha Tamabil ka dei ka bynta, na Nongpdeng sha Pynursla ka bynta ba ar, na Pynursla sha Myllim ka bynta balai bad na Mylliem sha Shillong ka bynta ba saw.
Haba ia dei bad ka “Detail Project Report” (DPR) jong kane ka surok la lah ban pyndep bad mynta dang khien ia ka jinglut na ka bynta ban siew ia kabai jaka katkum ka kyndon ba 19 jong ka ain shim jaka. Ha dien ba la dep ia kane kin sa pynlong ia ka jingkhot lada dang don ba ujor ne em bad ban kam la da don ha dien kata kin sa siew ia ka pisa bai jaka katba dei ki trai.
Haba ia dei bad ka jingsiew jong ki surok na ha ki National Highway la bethah ia ki National Highway Authority jong ka India ba kin pynbha ia ki surok bad ia kane la bthah ia ki Deputy Commissioner jong baroh ki District ba kin peit ia kane ban ia kren bad ki ophisar la da don kam.
Haba ia dei bad ka jingkieng iaid kjat ha nongpoh, la ong ba ka jingeh ka long ba kim ioh jaka namar kala hap jaka jong ki riew shimet, la bthah ia ka DC ba kan khot ia ki trai ban ia kren namar ka jingshim jaka kan long tang ha pdeng 12 haduh 15 meter.
