Shillong, Kyllalyngkot 25: Ka 25th Kyllalyngkot ka dei ka sngi bala seng ia ka Election Commission jong ka Ri India bad ha u snem 2011 la buh kyrpang ia kane ka sngi kum ka “ National Voters Day” bad mynta ka sngi ka dei ka jingrakhe ia ka lyngkhuh kaba 14 snem. Ka phang pdeng jong mynta u snem ka long “ Kam don kaei kaei kum ka jingthep Vote, ngan leit ban thep Vote”.
U Lat ka jylla u Phagu Chauhan ha ka jingkren ka jong u kum u kongsan u la ong ba ka long kaba kongsan ban ia shim bynta ha ka jingiathep Vote bad ka dei ruh ka hok jong u wei pa u wei u nongshong shnong ban thep vote katkum ka riti synshar paidbah jong ka Ri India.
Kumba ka long mynta ka Ri India ka don 100 klur ngut ki nongthep vote bad ka Ri India ka dei ka ri synshar paidbah kaba heh tam haka pyrthei, la ong ba mynta u snem ka ri kan sa leit sha ka elekshon Lok Sabha bad kane ka dei kaba heh tam ha ka pyrthei baroh kawei.
La ong ba ki nongshnong kiba la kot sha ka 18 snem ka rta ki la dei ban ai kyrteng ban ioh thep vote, na ka liang jong u lat u buh ka jingkyrmen ba kibor ba pyniaid ia ka elekshon kin lah ban pyniaid beit iaid ryntih kaba khuid ba suba.
Ha ka jingkren u Chief Secretary ka jylla u bah DP Wahlang u la ban jur ba don kam ban pynshai bad ban pynsngewthuh ia ki paidbah bad ki samla ki dei ki nongrai ia ka lawei jong ka ri, la ong bay m dei tang ban pynrung kyrteng hynrei ki dei ban thep ia ka vote jong ki ruh.
The programme organized by the office of the Chief Electoral Officer, Meghalaya was held at U SosoTham Auditorium, Shillong. Hon’ble Governor of Meghalaya, Shri. Phagu Chauhan graced the occasion as the Chief Guest while Meghalaya Chief Secretary, Shri. D P Wahlangwas the Guest of Honour.
U CEO jong ka jylla Meghalaya u Dr. BDR Tiwari u la ong ba ki nongthep vote ha ka jylla kila don 22,17,100 ngut haduh mynta, ha kane ka sngi u lat ka jylla u sam ruh ia ki khusnam sha ki nongjop ha ka jingiamareh “Run for Democracy” ha kane ka sngi kala don ruh ka jingpyninam ia ki dur.
