Shillong, Jylliew 30: Ka Meghalaya State Commissi
on for Women (MSCW) ia kaba la kyrshan da ka National Commission for Women,(NCW) na New Delhi, mynta ka sngi kila pynlong ia ka jingai jinghikai halor ki hok jong ki riew kynthei hapoh jong ka Block Development ophis, Mawryngkneng, East Khasi Hills.
Ha ka jingkren jong ka kong Theilin Phanbuh Chairperson, MSCW kaba dei ruh ka and Padmashree, kala long ka kongsan ha kane ka sngi ha kaba ka kong I Tariang, Secretary, MSCW, kong Annie Sohtun, Coordinator, MSCW, ha ka jingiadon lang ki ki nongkit kam jong ka dorbar shnong bad ki khynnah skul kila ia wan ban ia shim bynta lang na ki jaka bapher bapher jong ka thain Mawryngkeng.
Ha ka jingkren jong ka kong hanbuh, kala ong ba ka thong jong ka “Women Commission” ka long ban pynioh ia ki hok jong ki riew kynthei bad ban iada ia ki bad ha ka juh ka por ban pynkup bor ia ki ban ioh ia ka hk kum ki riew kynthei. Ha ka jingkren ka jong ka kala ban jur ia kawei ka phang ba ki kynthei kid ei ban tip ia ki ain ha kaba ia dei bad ka hok kaba ki dei ban ioh.
Ka “Women Commission” ka juh pynlong ia kineki jingia jinghikai ha kyllengki bynta jong ka jylla Meghalaya, ym tang ia ki long kmie hynrei ia ki khynnah skul ruh kum juh ban hikai ha kaba ia dei bad ki kyndon jong ka ain ba kin ioh ia ki jingia da bad ka hok kum ki riew kynthei bad kaei ka kamram jong ki ba dei ban leh.
Hlaor ka jingkiew ki kam sneiw pyrshah ia ki kynthei, ka kong Phanbuh kala kyntu ia ki seng bhalang bad ia ki bor shnong ban ia trei lang na ka bynta ban ai jingiada ki kynthei ha baroh ki bynta ha ka imlang sahlang.
Ka jinghikai ha kane ka sngi ka long “Ki kynthei bad ka Riti Synshar jong ka Ri India, ki kynthei bad ki ain bad ia dei bad ki kam iing kam sem kynthup ia ka shongkha shong man, ka jingiapynlait san shyieng, ka hok ban ioh ia ka bai bam, ka ai kyrpang ia kaba la tip kum ka Special Marriage Act, 1954, PWDV Act, 2005, ka jingkhang lad ia ki ban shong kurim khynnah kaba la tip kum ka Child Marriage Prohibition Act 2006, ka jingioh ei ban iada ha ki kam mukotduma bad ka ia ka ain kaba khang ia ka jingshah leh kynshlein ha ki jaka trei ia kaba la tip kum ka Sexual Harassment of Women at the Workplace (Prevention, Prohibition and Redressal) Act 2013.
Ki briew kiba la ia poi sha kane ka jingai jinghikai ki long ka muktiar Rebina Subba, kong I. Tariang, Member Secretary, MSCW, kong Annie Sohtun, Coordinator, MSCW, ki dkhot jong ka Meghalaya State Legal Services Authority bad na ka tnad pulit.
