Shillong, Naitung 14: Ka tnad ka koit ka khiah jong ka sorkar mynta ka sngi kala pynlong ia ka jingtest COVID-19 ia ki nongshong shnong kiba hap hapoh ka Umden PHC kane ka long ban wanrah ia ka jingsngew shngian hapoh ka shnong ka thaw.
Ka Ri Bhoi District ka dei ka District bad ia khappud bad ka jylla Assam bad katei ka thain Umden ruh kam da jngai na ka jylla Assam, kane ka jingtest ia ki riew paidbah ka long ban wanrah ia ka jingshngain hapoh ka shnong ka thaw ban pynthikna ba ki paidbah ki don ha ka jingshngian.
Na ka liang ka tnad ka koit ka khiah kaba dei peit iaka Ri Bhoi District ha dien ba kala iohi ia ka jingdon ki briew kiba ioh ia kane ka khlam COVID-19 kala shim ia ka rai ban pynlong ia kane ka jingtest ia ki paidbah ha ki shnong ki thaw ban pynthikna ba kane ka jingpang kam dei ban ioh lat ba kan sa phriang.
Na ka liang jong ka Umden PHC kala pynlong ia kane ka sngi ban test kyllum ia ki paidbah ban pynthikna ba ha katei ka thain ki briew kin ioh ia ka jingsngewshngain bad ha ka juh ka por ban hikai ia ki paidbah kin but ia ki jingbthah jong ka sorkar lyngba ka tnad ka koit ka khiah.
Haba u SP News Agency u la pyrshang ban kren ia ka Dr Lana kaba dei peit ia kane ka PHC, hynrei ym shym la ioh lat ban kren na ka daw jong ka jingbym biang ka network, na ka liang jong ki nongtrei ka Umden PHC kila shim khia ia kane ka kam ban pynthikan ba kane kam jingpang kam dei ban saphriang.
Baroh ki paidbah nongshong shnong kiba hap hapoh jong ka Umden PHC ki don haduh 26232 ngut bad ha kane ka sngi la shim ban test COVID-19 ki long 50 ngut hapoh jong ka tei ka PHC.
