Shillong, Risaw 04: Mynta ka sngi u Vice President jong ka Ri India u la buh ia u Mawnongrim shna ia ka surok na Shillong sha Tamabil kaba jrong 64.21 km, kane ka surok kan long 4-Lane na Umsherpi sha Pomlum 9 km bad na Tamabil khap Bangladesh sha India 1.5 km, Katba na Pomlum Hynniewmer sha Dawki kan long 2-lane.
U Vice President jong ka Ri India u M. Venkaiah Naidu haba kren ha ka jingialang kaba la long ha State Convention Centre, Shillong, la ong ba ki jylla ka dong shatei lam mih ngi ka jylla ki dei ban shim ia kane ka kabu ba ka jingshong suk kala sdang wan ban pynsted ha ki kam pynroi.
U Vice President u la ong ba ka jingshong suk ka long kaba don kam haduh katta katta na ka bynta ka roi ka par, kumba ka long mynta ka dong shatei lam mih ngi jong ka Ri India ka jingsuk kala sdang ban wan, hynrei kaei kaba don kam ka long ba dei ban khot ia kren ia ki seng lehnoh sha ka miej jingiakren ia suk ban ioh ia ka jingduk kaba neh ha kane ka thain.
U Vice President jong ka Ri India u la ong ba kane ka surok na Shillong Sha Dawki ka long kaba don kam haduh katta katta namar kane ka surok ka pyniasoh shaduh Chittagong ka kad jhad ha Bangladesh ym tang kata hynrei kan kyntiew ia ki kam jngoh kai pyrthei.
Ha kane ka jingialang la ong ba u myntri rangbah duh jong ka Ri India u don ka jingangnud ban kyntiew ia ki kam pynroi ha kane ka thain shatei lam mih ngi jong ka Ri India, la ong ba lada ka North East Kam kiew ka Ri Indai ruh kam pat kiew.
U kane ka sorkar hapoh ka jingialam jong u Prime Minister jong ka Ri India u Narendra Modi kala buh ia lai tylli ki jingpyrta shula, kito kai long “Wanrah ka jingkylla, Pynia ki kam bad pynkylla, la ong ba ka jylla Meghalaya ka don ia u riew khraw u Purno A Sangma bam kwai ha dwar u blei u bala long ka sur jong ka North East ha ki kam pynroi.
Ban wanrah ia ki ki kam pynroi sha ki paidbah don kam ban pyndon kam ia ki kor ki bor katkum kane ka juk kaba mynta ba ki jingmyntoi kileit peit sha ki paidbah ban weng ia ki kam bamsap, ka jingbam sap ka dei ka nongshun kaba khraw tamha ka imlang sah lang dei ban pynduh ia ka.
U Vice President u la ong ba ka jingwan jong u kaba 12 sngi sha North East ka long ban ia kynduh ia ki riew paidbah kiba la pynpaw ia lade ha kikam bapher bapher bad kane ka jingiakynduh kan long ban sngewthuh ia kaei kaba ki paidbah kane ka thain ki don kam.
Ha ka jingphah khubor u mytnri ka tnad shna surok ka sorkar pdeng u Nitin Gadkari u ong ba ka jinglut ban sna ia kane ka surok na Shillong sha Dawki ka long T.1606.52 klur tyngka, u mytnri ka sorkar pdeng u la ong ba ia ka surok na Paikan sha Tura yn shna noh da ka 4-lane.
La ong ba ia ka bynta kaba nyngkong jong ka surok na Nongstoin sha Rambrai ka mang pisa T.350 klur ha khubor kaba u la phah la kdew ia shibun ki surok kiba ka sorkar pdeng kan sa pyntrei ha kane ka jylla Meghalaya.
Kiwei kiba la kren ha kane ka sngi, ki long u Lat ka jylla u Satya Pal Malik, u mytnri rangbah ka jylla u Conrad K Sangma, u Excitive Director ka NHIDCL u Narendra Shoran, ia ka jingkren pdiang burom la kren da u Symbut myntri rangbah ka jylla u bah Prestone Tynsong bad la kren ai khublei da ka kong R V Suchiang Chief Secretary ka jylla.
