Ban weng ia ka jingeh, kyntu ka HYC ia ka sorkar, khot ia kren ia ki nongniah kali kamai

Shillong, Rymphang 03: Ka HYC Sengkmie ka pynpaw ba ka Jingiakhih jong ki Kali kamai halor ka jing kuman ka Sorkar iaka jingud jingnam jongki halor ka jingeh kaba ki ia kynduh naka jingkiew dor palat pud ka Petrol bad Diesel ka long kaba shongkhia , kaba don jingmut bad kaba ngi hap ban kyrshan.

Kane ka jingkiew dor ka umphniang kali ka buh jingeh ia ki paidbah baroh. Ka jingdawa ki nongniah Kali kamai ba pynduna ka khajna na ki Kali namar ka lockkdown ruh ka long ka ba shongnia.  Naka Seng ngi ai jingmut iaka Sorkar ba kadei ban khot ia pynbeit iaki Nongialam ki kali kamai namar Lehse lah ban pynbeit noh ia ki jing dawa .

Ka Seng ka kyntu Da kaba burom ia ki Kali kamai ba kin sngewbha ban kit ia ki nongpang Lada Jia ba Kim ioh ki ambulance namar ki nongpang ki don Kam ban poi Sha ki jaka sumar ban ioh jingsumar, la ong u bah Marcos Myrthong ai nongai khubor ka seng HYC.