Shillong, Nailur 15: U myntri ba dei peit ia ka tnad pule u bah Lah kmen Rymbui haba jubab ia ka jingkylli jongu Zenith M Sangma la ong ba baroh ki don 36 tylli ki skul ha ka jylla kiba khlem nonghikai haduh mynta.
Katkum ka jingkhein kiba la ai kat kum ki District ki long ha East Khasi Hills ki don 2 tylli, West Khasi Hills 1, South West Khasi Hills 1, Eastern West Khasi Hills 1, West Jaintia Hills 2, Ri Bhoi 1, West Garo Hills 2 tylli, East Garo Hills 10 tylli, South West Garo Hills 1, North Garo Hills 1, South Garo Hills 16 tylli.
Haba jubab ia ki jingkylli bynrap myntri ka tnad pule la ong ba ia kito ki khynnah ki bym don nonghikai ha ki skul la phah noh sha kiwei ki skul kiba don ha ka juh ka shnong bad ia kiba jngai ka sorkar ka dang wat ki lat lynti kumno ban pynioh nonghikai.
U Myntri u la pyntip hapoh ka iing dorbar ba ka tnad pule puthi ka dang pynbeit ryntih ban but ia ka rai jong ka High Court ka jylla Meghalaya ha kaba ia dei bad ka thungkam ka jingbuh ryntih bad ia kane kin sa lah ban pyndep ha kine ki khyndiat taiew.
Mar ia dep buh ryntih ka sorkar kan wat ki lad ki lynti ban thung nonghikai noh ha kitei ki skul ki bum don nonghikai bad ha kito ki jaka lah ban phah ia ki khynnah ha ki skul kiba don ha ki shnong ki pynbeit ia kata. Ka sorkar kan leh katkum ki kyndon ka ain ha kaba thung ia ki nonghikai.
