Shillong, Naitung 08: Ki shipai BSF kiba la ioh ia ka jingshitom COVID-19 haduh mynta ki dang dei tang na ka ktem shipai ha Umpliang, Shillong baroh kiba shitom kila kot sha ka 26 ngut, 25 ngut dei ki BSF bad kawei ka dei ka kurim jong u wei na ki shipai BSF.
U Director ka tnad ka koit ka khiah u Dr A War u la iathuh ba ka don ka jingiatrei lang kaba jan ha pdeng ka sorkar bad ki bor shipai kiba don ha Shillong khamtam ki shipai BSF. La iathuh ba haduh mynta la dep ban test da ka Rapit test ki long 1026 ngut bad kiba la test da ka RTPCR ki long 735 ngut kiba long positive ki long 26 ngut bad dang ap ia ka resolt 108 ngut.
La iathuh ba na ka liang jong ki BSF kila dep ban test ia ki Border out Post ha Dobari para 262 ngut, kiba long Negative ki long 219 ngut bad dang ap ia ka reslot ia ki 43 tylli, ha Paharinagar BOP la test 70 ngut 61 ngut ki long negative bad dang ap iaka reslot 9 ngut, ha Dhagogre BOP la test 52 ngut bad kiba long negative ki long 36 ngut bad dang ap ia ka reslot 16 ngut.
Haba ia dei bad ka leh iaka Rapit test ha Ri Bhoi na Khanapara B mynta kila poi sha 13 Miles bad baroh kiba la test ki long 669 ngut, ha ba ia dei bad ki ba la test COVID-19 Positive ha NEIGRIHMS u dei u ban wan na ka jylla Tripura bad ia u shuwa ban sumar la buh hapoh Isolation Wards.
