Shillong, Nailar 11: U Dr Mukul Sangma nongialam ka seng Congress u ba dei ruh u nongialam ka liang pyrshah hapoh ka iing dorbar thawain ka jylla Meghalaya u la kyntait mar dor ia ka jingmih khubor ba u kwah ban rung sha ka party BJP.
Ha ka Twitter, na ka liang jong u Dr Mukul u la ong ba kane ka ka jingpybmih khubor kaba lamer bad u la bethah ia ka tnad Cyber Crime ban tohkit ia ka thymmai jong ka jingmih kane ka khubor.
Kane ka khubor kala mih katba u Dr Mukul bad kiwei ki nongialam jong ka seng Congress na North East ki dang don ha Delhi ban ia kren na ka bynta ki kam jong ka party. Na ka liang jong u Dr Mukul u la ong ba kane ka khubor kaba la mih ka dei tang ka jingpynjah burom u la kynnoh.
