Shillong, Jymmang 28: U S C Sadhu Deputy Commissioner jong ka East Khasi Hills District la bthah ia ki paidbah ba kin rah ia ki kot ki sla kiba don kam lada jia ba hap ban pynkynriah ia ki na ka daw jong ka jinglong jingman ka mariang.
Kane ka jingbthah ka wan namar ka jingjur ka lyer bad jinghap u slap ba jur la ai jingmut ia ki paidbah ba kin kiar na jan jong ki jingtei kiba jrong bad ki Tower namar kilah ban kyhyllem ha kane ka jinglyshop ka mariang.
Ki briew kiba shong ba sah ha jan ki tower kiba jrong kin long kiba phikir haba wan ka slap kaba jur bad la lyer kaba jur, kane ka jingbthah na ka liang jong u DC ka long ban lait na kano kano ka jingmynsaw.
Ha kane ka jingbthah jong u DC khlem kren ei ei ha kaba ia dei bad ki ding post elektrik kiba don kylleng kane ka nongbah Shillong kiba la bam sarang kine ruh ki long ki jingman lada ki khyllem.
