Tura Nohprah 13: Ka 12 tarik jong u bnai Nohprah 2012 kan long ka sngi sah kynmaw ha ka jylla Meghalaya bad khamtam eh ia ka Ri Lum Garo ha kaba ia ka Medicial College kaba nyngkong ha kane ka jylla la buh Mawnongrim da u myntri rangbah ka jylla u Dr Mukul Sangma ha Balalgre kaba jngai kumba 25 Km
na ka sor Tura.
Ha ka jingkren jong u myntri rangbah ha kane ka jingialang kaba la long ha katei ka jaka u la ong ba mynta ka sngi ka 12.12.2012 la thoh ha ka history jong ka jylla Meghalaya ha kaba ia ka Medical College la buh mawnongrim bad ia kane ka jaka pule doctor yn sa pyniaid da ka sorkar bad sa kawei ka Medical College kan sa mih ha kane ka jylla ha kaba yn sa pyniaid da ka Public Private Patnership (PPP) mode.
Na ka liang jong u myntri rangbah u la ong ba kane ka jaka kam dei ban long tang ka jaka pule doctor hynrei ka dei ban long ha shelem jong ka jingwad jingstad kaba katkum kane ka juk kaba mynta. Ha kane ka sngi na ka liang jong u myntri rangbah ula kren bun kiwei kiwei ki bynta ha kaba ka sorkar ka la leh na ka bynta jong ki paidbah.
Kiwei kiba la kren ha kane ka jingialang ki long u Deputy Chief Minister ka jylla u Bah Rowell Lyngdoh, U MLA jong ka Rangsakuna u Adolf Lu Hitlar R Marak bad bun kiwei kiwei ki riew rangbah.(SP News)
