Shillong, Jymmang 05: Na Meghalaya ki marrep bad ki jingdih kiba la pyninam ha “2nd North East Food Show 2022” kaba la lai sngi kaba la plie mynta ka sngi ha Polo ha kaba la wan ban ia shim bynta da ki jylla kane ka thain shatei lam mih ngi, la pyninam ia ki marrep bad ki jait wine kiba la shna na kane ka jylla.
Ha katei ka jaka kala don ka jaka kaba la pyninam tang ki jaid wine kiba la pynmih na na ki soh kiba dei na kane ka jylla Meghalaya bad la don ruh ka jingthoh Khasi Wine, kine ki wine kiba la pyni ha kane ka jaka la wan lam na kylleng.
Na pdeng ki marrep kiba la pyninam ha kane ka jaka dei ki shynrai Lakadong bala khring ia ki briew ban leit ban jngoh ia kane ka dukan kaba la buh ha katei ka jaka, ha kane ka jaka la pyni kumno la thung, la pynkhuid bad la dung haduh ban da kylla shynrai podwer.
Kiwei ki marrep kiba la wanrah ban pyninam sha kane ka jaka ki long ki jhur na kylleng ka Ri Khasi Jaintia bad na garo Hills la wan ban pyninam ia ki Cashew nut bad ki sohmarit shet jyntah bad kiwei kiwei ki jhur kiba la pynmih na Garo Hills.
