Shillong, Naiwieng 29: Ka District Rural Development Agency (DRDA), ka la pynlong ia ka prokram kaba ishongkun kum shi bynta ka jingsdang ia ka Viksit Bharat SankalpYatra ha South West Garo Hills ha MFC, Ampati ha ka sngi Balang.
Lah ban kdew hangne ba ka Viksit Bharat SankalpYatrakadei ka sienjam kaba la sdang ha kylleng ka ri kaba thmu ban ai jingtip bad pynkup bor ia ki nongshong shnong shaphang ki skhim bad ki prokram ba kongsan jong ka sorkarpdeng.
Ka thong jong ka Yatra kalong ban ai jinghikai bad iarap ban pynpoi ia ki jingmyntoi jong ki skhim ba iadei bad ka bha ka miat. Kalong shi bynta jong ka campaign HamaraSankalpViksit Bharat, kaba phaikhmat ban poi sha ki briew kiba shem jingeh, ka jingai jingtip, ka jingioh jinghikai na ki nongshong shnong bad ka jingkyntiew kyrteng ia kito kiba dei ban ioh jingmyntoi.
Bun ki skhim jong ka sorkarkilong kiba kongsan ha kane ka sienjam, ba kynthup ia ka Ayushman Bharat-PMJAY, PM GaribKalyan Anna Yojana, PM AwasYoyana, PM UjjwalaYojana, PM Vishwakarma, PM KisanSammanNidhi, Kisan Credit Card, PoshanAbhiyan, JalJeevan Mission, SVAMITVA, Jan DhanYojana bad kiwei kiwei.
Ha ka jingai jingkren ha ka jingialang, u Deputy Commissioner jong ka South West Garo Hills, u R.P Marak u la ong ba ka Viksit Bharat SankalpYatrakadei ka sienjam kaba biang bha namar bun ki briew ha ki jaka nongkyndong kim tip shaphang ki skhim bapher bapher ba iadei bad ka bha ka miat kaba la mang na ka bynta ka jingmyntoi jong ki.
Haba ai jingtip ba ka Tnat ka Rep ka Riangkadei ka Nodal department, u la ong ba ka distrik kan buh thong 540 tylli ki shnong hapoh kane ka campaign bad u la pynpaw ia ka jingpynkhreh kam bad ki kam ban sdang ha ki block bad ki VEC.
U la ban jur ruh ia ka jingkongsan ban pyniasoh Aadhar jong baroh kiba dei ban ioh jingmyntoi na ka bynta ban ioh pura ia ki jingmyntoi jong ki skhim ba iadei bad ka bha ka miat.
Hashuwa kane, u ADC & PD, DRDA, R.Z.D. Shira, uba long ruh u District Nodal Officer na ka bynta ka Viksit Bharat SankalpYatra, u la kren shaphang ki jingthmu jong ka prokram kumjuh ruh ki kam bad ki prokram ban pynlong ha ki sngi ban wan bad u la kyntu ia baroh ki tnat ba dei khmih ban iatreilang bad ki briew ha ka por ba pynlong ia kine ki prokram. Hadien kane, u la ialam ruh ia ka jingbamsmai “HamaraViksitSankalp Bharat Yatra” ha ka jingialang.
Ha kane ka prokram, la pynkup burom ia kiba trei bha hapoh ka NRLM, ki nongtrei Anganwadi hapoh ka ICDS bad kiba ioh jingmyntoi, katba katto katne kiba ioh jingmyntoi ki la iasam ia la ki jingsngew jong ki shimet haba ki ioh ia ki skhim bad ki jingmyntoi ha ka bynta jong ka “MeriKahaaniMeriZubaani” jong kane ka prokram.
Kum shi bynta jong ka prokram ki tnat bad ki kynhun bapher bapher ki la buh ia ki stall ha kane ka jaka na ka bynta ban ai ki jingshakri bad ki jingai jingtip na ka bynta kiba ioh jingmyntoi.
