Shillong, Lber 22: Ka tnat Police ka kyntu ia ki nongniah ar shaka ban pynthikna ba ki dei ban pynphong Helmet ia ki khynnah skul ba shong arshaka haba ki leit buh skul.
Ka kyrwoh na u Superintendent of Police (SP) East Khasi Hills ka kdew ba la sakhi ba ki don ki kmie ki kpa bad kiba niah ar shaka kim pynphong Helmet ia ki khynnah lada ki kit lang ha ki arshaka.
U SP u la ong ba ka jingbym phong Helmet ka buh jingma ia ki ba shonglang, lada don kano kano ka jingjia aksident.
“Naka bynta ka jingbha ka Shillong Traffic Police (STP) ka kyntu ia baroh ban pynbiang Helmet ia ki khynnah lada ki kit lang ha ki arshaka. Lada don kiba pynkheiñ ia ka jingbthah kin shah pynngat ha ki kyndon ka Motor Vehicles Act” la ong ka jingkyntu.
