Shillong, Naitung 10: Ka Department for Promotion of Industry and Internal Trade (DPIIT), sorkar India, ha ka jingiatreilang bad ka Directorate of Commerce and Industries, sorkar jylla Meghalaya, da ka jingjop kala pynlong iaka prokram SAMVAD, ki nongai ram bad na ka bynta ka kamai kajih ha ka 23 Jylliew 2026 ha Vivanta, Shillong.
Katei ka prokram ka thmu ban pyntip shaphang ka Uttar Poorva Transformative Industrialization Scheme (UNNATI) 2024, ha kaba ka pynioh iaka lad ban bei tyngka ha ki kam lajong ha ka jylla Meghalaya bad la don ruh ka jingia tai nia hapdeng ki nongseng kam lajong, nongbei tyngka, nongioh jingmyntoi jong ki karkhana bapher bapher bad ki heh nongtrei sorkar.
Ha katei ka prokram, u Anindya Bhattacharya, Director, DPIIT, u la ban jur halor ka jingtreikam kane ka prokram pynshlur bei tyngka jong ka UNNATI skhim ha Meghalaya, da kaba pyntip ba la don haduh 101 ngut kiba la aplai tad haduh mynta, lem bad 73 tylli ki aplikeshon mynta.
Kane ka prokram ka pyni ruh iaka jingroi ka jylla Meghalaya ha ki kam lajong kynthup iaka jngoh kai pyrthei bad ki hotel, kaba la pynkhring iaki nongseng kam lajong ba kin bei tynkga.
La don ruh ka jingialang ban pyni iaki nongseng kam lajong bad ki nongbei tyngka ba kin iakren markhmat bad ka DPIIT bad ki nongtrei jong ka sorkar jylla ha kaba iadei bad kaban registar, ki briew ba long ban aplai, jingpynbiang iaki kot ki sla, jingioh nong bad kiwei kiwei.
