Shillong, Nailar 24: Ka Hynniewtrep Youth’s Council (HYC) Education Cell ryngkat ka HYC Nehu Unit, mynta ka sngi ka la pynlong iaka jingiakhih ba jaijai ha khmat ka office treikam u Vice Chancellor ka NEHU.
Ban pynsngew sha u Halor ka jingmynthih ka jong u ban khot iaka meeting Jong ka academic council bad kumjuh ban lum ia baroh ki stakeholder, halor ka jingthmu ban pyntreikam iaka National Education Policy (NEP) 2020.
Ki dkhot ka seng ha kane ka sngi ki la rah iaki placard Kum ban pynrem ia u VC halor kane ka jinglehmynthih Jong u ban khot iakren khamtam iaki Nonghikia ka Meghalaya college teacher Association, kiba dei ki kynhun Jong ki Nonghikia college kiba la boycott iaka jingbthah ka NEHU.
Ban pyntreikam noh daki syllabus Jong ka NEP naduh mynta u snem 2023, ka la buh jingeh kylla pat iaki samla pule namar kane ka Jingbym ia sngewthuh jingmut hapdeng Ka Nehu bad ki Nonghikia college.
Ka seng ka phah ruh iaka kyrwoh sha u VC ba lada ki kynnah ki mad bad kynduh jingeh na ka bym kloi bad ka jingpyndem u Vice Chancellor ka NEHU ia baroh ki kynhun halor ka NEP, ka jingkynnoh bad ka jingbah khlieh kan dei ia u VC, la ong u Enlang Sawian Education Secretary ka HYC seng kmie ha ka kyrwoh.
