Shillong, Rymphang 04: Mynta ka sngi ka seng KSU kala hiar sha Muktapur ban pynpra bad thang ia ki jingker ba la wan ker da ki khar Bangladesh bad wan rep haduh u Mawthum ha katei ka jaka kaba hap hapoh jong ka West Jaintia Hills District.
Kane ka jingleit jong ka KSU ha katei ka jaka long ba ki briew na Bangladesh kila wan ker da ki jingker ba dei da ki kynja plastic bad kane ka jingwan jong ki ka long haduh u Mawthum. Na ka liang jong ka seng kala leit ban pynpra ia ki jingker bad thang ruh.
Ka jinghiar jong ki dkhot ka seng KSU sha katei ka jaka ka long namar ba ki shipai BSF kim leh ei ei wat la ki briew na Bangladesh kila wan rep ha katei ka thian, haba ki BSF kim leh ei ei na ka liang ka seng kala leit ban pynpra ia kine ki jingker ba sdang wan rep ki Bangladesh.
Kane ka jaka kaba don ha katei ka thain ka long ba ki jaka dei ki briew na India katkum ki pata la ong u bah Bendic Buam wei na ki riew rangbah katei ka thain hynrei kaba lyngngoh ba ki Bangladesh kila wan rep haduh Mawthum.
La iathuh ban na ka liang jong ki BSF kiba dei peit ia kane ka jaka ia ki nong India kim juh shah ban leit rep sha jan u Mawthmu katba dan wan ki briew na Bangladesh ban rep ha syndah Mawthum kan don kano kano ka jingkhang.
Ban pynkynmaw ba kane ka jaka ka dei kaba ym pat ia shai haduh mynta kan hap ha India ne ha Bangladesh, kane ka jaka kiba long trai ia ka khydnew dei da ki Khasi kiba dei na India bad ha kane ka jaka ki BSF ha u snem 2010 kila khang pyrshah ia ki Bangladesh ban wan haduh ba kala mih ka jingiasiat hapdeng ki shipai BSF bad BGB ha katei ka jaka kaba la neh kumba shibnai ei ei.
