Shillong, Naiwieng 24: Mynta ka sngi ki samla kiba la dep ban thoh ia ka eksamin wat kam pulit kila leit ban pan jingbit na ka Deputy Commissioner jong ka East Khasi Hills District ban iaid paidbah ha ka 30 tarik mynta u bnai kata ka sngi Balang.
U bah Diben Lyngdoh bad u bah Shine Marwein haba kren ha ki lat pathai khubor mynta ka sngi kila ong ba kila pan jingbit na ka Deputy Commisisoner jong ka East Khasi Hills District ba kin iaid paidbah ha ka 30 tarik mynta u bnai ban dawa na ka sorkar ba kan pynlait noh ia ka reslot wat kam pulit.
Ka sorkar kala khot ia ka aplikoshon na duh u snem 2019, ka jingpynmareh la pynlogn ha u Naiwieng 2021 bad ia ka eksamin la pynlong ha u bnai Rymphang 2022, hynrei haduh mynta ka sorkar kam pynmih ia ka reslot.
Ka jingkwah jong ki ka long ba ka sorkar ka ei ban pynmih noh ia ka reslot kaba kila dep ban thoh, ki kylli balie ka sorkar kam lah ban pynmih ia ka reslot mynta la jan shisnem, kane buh ia ki samla kiba la dep ban thoh ia ka eksam ha ka jinglynga. La khot ia baroh kito kiba la thoh ia ka elsamin ba kin ia poi lang ha katei ka sngi.
