Shillong, Nohprah 03: U nongai buid ka All Jaintia Muster Roll Workers Labour Union (AJMRWLU) u bah Khroo Pariat u la ong ba lada ka sorkar kam pyniew ia ka bai bylla jong ki muster roll kin wan kiew sha Shillong ban pynling ia ka jingiakhih ha ophis ka MBOSE ha ka 17/Nohprah/2024.
Haba kren ha ki lat pathai khubor ha Shillong Press Club ha ka jingiadon lang ki nongialam ka seng u bah Khroo Pariat la ong ba la san snem mynta ka sorkar ka khlem pat pynkiew ia ka trai bai bylla kaba dei ban long man la ka san snem.
Ka jingpynkiew ia ka bai bylla kaba khatduh ka dei ha u snem 2018 bad la dei ban pynkiew ha u snem 2023, hynrei khlempat pynkiew, haba ia dei bad ka Variable Dearness Allowance kaba dei ban pynkiew ar sien shisnem ka sorkar kam sym la pynkiew.
Ia ka VDA katkum ka ain Minimum Wages Act jong ka sorkar pdeng kala kren shai ba ki sorkar jylla ki dei ban pynkiew ia ka baibylla man la ka san snem, ia ka bai leit bai wan dei ban pynkiew ar sien shisnem kata ha u bnai Iaiong bad ha u bnai Risaw jong man la u snem ia kaba ka sorkar kam shym pat pykiew haduh mynta.
U nongaibuid katei ka seng la pynkynmaw ba dei kajingiakhih ha u snem 2018 ba sa pynkiew ia kabai bylla bad mynta ruh ha dien san snem imat ki hap ban iakhih ban ioh ia ka hok jong ki kaba la kdew shai katkum ka ain, la ong ba kila ia kynduh ia u myntri ba dei peitia ka tand bylla bad ia Commissioner halor kane ka jingeh.
