Shillong, Nohprah 23: U Exective Engineer ka PWD ba dei peit ia ka tnad shna u surok u la wah da ka jingthoh ha ka jingkieng iaid kali ha wah Umngi ka surok ban leit na Laitmawsiang sha Nongspung bala khang pyrshah ia ki trok ba iaid na kane ka jingkieng kiba kit palat 9 tone.
Kane ka jingkieng ka pyniasoh ia ka surok ban leit na Laitmawsiang ban poi sha Nongspung, Sohiong bad na laitmawsiang sha Mawkyrwat sha Mawsynram, dei tang kane ka jingkieng kaba pyniasoh ia kine ki jaka.
Kane ka surok na Nongspung sha Laitmawsiang kaba hap ha PWD Divison Mawphlang ka dei kaba la jop[ ha kineki snem kiba la bad ki briew kila kham kiar ban iaid na kane surok hynrei mynta ka jingsiang rong kala poi sha Umiam bad khmihlynti ba lah ban pyndep sha Laitmawsiang ha u Kyllalyngkot 2025.
Kane surok ka pynjan bha ia kito kiba hap ban leit sha Nongspung, Sohiong, Mairan ha ki bynta ba shatei, ka pynjan ruh ban leit sha Mawkyrwat Weiloi, Mawsynram bad sha khappud Bangladesh ia ki shnong kiba don sawdong katei ka jaka.
