Shillong, Nohprah 18: U Bah Bindo M Lanong MDC bala shu thung ha KHADC u la pyntip ba la shai ka sngi yn ai da ka jignthoh sha u CEM jong ka KHADC u bah Pyniaid Sing Syiem ban ai ia ka jingkyrshan ia kane ka EC jong ka NPP.
U Bah Bindo u la kren shai ba ia ka kyrteng jong u la phah sha u Lat ka jylla ban thung kum u MDC ha KHADC la leh ha ka por jong u Dr. Donkupar Roy bam kwai ha dwar u blei bad ba pynneh ia u ha kane ka shuki MDC kam dei ka UDP.
U la pynkynmaw ba ha kane ka MLA kaba ladep u la ia khun na NOngkrem kum u kyrtong shimet ka daw ka long ba ka party ka ai tiket ia u briew bym dei jong ka party, ka party UDP kala kyntait ban ai tiket ia u briew jong ka party dei na kane ka daw ba u hap ban ia khun.
Mar ia dep ka elekhson u la thoh sha ka party ban ia klet noh ia kaei kaba la jia bad u la thoh ia ka shithi ban pan tiket MP hynrei ka pary kam shym la jubab haduh ba un da tohhi da lade ba un la weng noh ia kane ka jingpan tiket.
La ong ba wat ha ka General Council Meeting ruh ka party UDP ka khlem pyntip shuh sha u bad u khlem leit hi, ruh la kynthoh ba ka jingtlop ki seng riewlum dei ka jingbym burom ia ki nongialam barim jong ka party.
U la ong ba naduh u snem 1972 haduh mymta u khlem kylla jutang ia ka nongrim kaba u don, ka jingkylla dei tang ka kyrteng jong ki party, ha u snem 1972 ka don ka APHLC, hadien ka mih ka HPU bad mynta UDP, ka mynsiem ka don bad ki seng riewlum hynrei mynta u la laitluid un ai ka jingkyrshan ia ka EC jong ka NPP ha KHADC.
