Shillong, Jymmang 29: Ka tnad Pule puthi jong ka sorkar Inda mynta ka 29 tarik u Jymmang 2024 ka la pynban ba ia ka Jylla Meghalaya bad Nagaland yn pynlait noh na ka exam Common University Entrance Test (CUET) 2024 kane ka long wat hadien ba ki khynnah ki la dep ban thoh ne iakhun ia Exam ha kine khyndiat sngi baldep.
Ha ka shithi na u Gopal Kumar Under Secretaryka tnad pule ka sorkar india ka ong ba ka long ka jingpyntip ba ka UGC ka la dep ban pdiang ia ka jingkyrpafd na ka Sorkar Meghalaya bad Nagaland lyngba ka National Testing Agency ban shah ia ki College ki ba pyniasoh ialade bad ki Central University ha kine ki Jylla ban pynrung pule kum ba leh ha ki por ba la dep khlem da pyndon kam ia ka CUET na ka bynta une u snem 2024-25.
Ha ba shim ia ka jingthoh na ka X page jong u Myntri Rangbah Ka jylla u Conrad Sangma u la pynpaw ia ka jingai khublei ia u Myntri ka tnad Pule puthi ka Sorkar pdeng u ba la pynsngew ia ka jingkyrpad ki smala pule ka jylla lyngba ka sorkar Jylla ban pynlait ia ki College ha Meghalaya ki ba pyniasoh sha ka skulbah NEHU ban hap ha ka CUET jong u snem2024-25 bad ban shah ia ki ba kin ioh rungklas kum ba juhlong ha ki por baladep.
Na ka liang u Myntri ka tnad pule puthi ka sorkar Jylla u Rakkam sangma u la ong ba na ka liang ka sorkar pdeng ka la sngap ia ka jingkyrpad jong ka Sorkar Jylla ban pynlait na ka Exam CUTE jong u snem2024.
U la kyrpad ruh ia ki samla jong ka Jylla ba kidei ban long ki ba la pynkhreh ha ki snem ki ban wan namar na ka liang ka sorkar Jylla kanym lah ban kyrpad shi kyrpad ia ka sorkar pdeng ba kan pynlait ia ki samla na ka CUTE khamtam na ka bynta ki college ki ba pyniasoh ialade bad ki Central university.
Khum ban shu pynkynmaw ba ha kane ka exam CUET ka ba la long ha poh ka Jylla ka la mih shibun ki jingduna bad na ka jingmih jongki jingeh ba ki samla ki ia kynduh na ka daw jong ka jingbym don ka Jylla iala kajong ka University ha ka ba na ka liang ka Sorkar Jylla ka la thoh sha ka sorkar pdeng ba kan pynlait noh ia ka Jylla na ka exam CUET 2024
