Shillong, Nailar 14: U Myntri rangbah ka jylla u Conrad K Sangma mynta ka sngi u la pyntip ba ka sorkar kala shim ia ka rai ban thung ia ka “Magisterial Inquiry” ban tohkit halor ka jingiap jong u bah Cheristerfield Thangkhiew na ka jingsiat jong ki pulit ha ka step sngi thohdieng ha iing sah jong u ha Mawlai Kynton Massar.
Haba kren ha ki lat pathai khubor, u Myntri rangbah ka jylla u la ong ba ha dien ba la dep ka “Magisterial Inquiry” ia ka kaiphot yn phah sha ka National Human Right Commission (NHRC) kaba dei ka kynhun lait luit jong ka sorkar pdeng ban peit ia ka hok long briew man briew.
U Myntri rangbah u la ong ba ha dien ka jingshah pybthei bom ha ka 14th Naitung 2021 ha jaka sah jong ki pulit ha Khliehriat, ki pulit kila pynlong ia ka jingtohkit bad ha pdeng kane ka jingtohkit la don biang sa ka jignbthei bom ha 10/8/201 ha Laitumkrah bad na ki sabut la shem ba u bah Cheristerfield u don ka jigniadei.
Kaei kaba la don kam kyrkieh ka long ban a ki lat jingtip baroh, la ioh jingtip ba kala don ka jingpynkhreh ban pynbthei bom biang, dei halor kane ba ki pulit kila leit da ka jingthmu ban kem ia u hyrei ka don noh ia kane ka jingjia kaba sngewsih, kane ka jingkhlad ka long ka jingduh ha kaba ia dei bad ki jingtip ba dei ban ioh.
U Myntri rangbah u la kren shai ba ka dei ka kamram jong ka sorkar ban tehlakam ia ka shong suk sain ha kane ka nongbah Shillong bad ha ka jylla baroh kawei, ka dei ka kam jong ka sorkar ban ai ia ka jingshong shngian jong ki paidbah nongshong shnong.
U Myntri rangbah u la ong ba ki don ki bynta kiba um lah ban iathuh paidbah ba kan nym ktah ia ka jingtohkit ha kaba ia dei bad kine ki jignjia, na ka liang jong u myntri rangbah u kyrpad ia ki paidbah nongshong shnong ba kin bat ia ka shoh suk shong sain ha ka jylla.
