Da ki baner wah ka HYC ban pynrem ia ka jingkren u bah Prestone ia ka KJDSTA

Shillong, Naiwieng 17: Ka seng Hynniewtrep Youth Council mynta ka sngi kala pynpaw ia ka jingsngewbitar ia ka jingkren tohmet u symbut myntri rangbah ka jylla u bah Prestone Tynsong ia ki nonghikai kiba don ha ka lama jong ka Khasi Jaintia Deficit School Teacher’s Association da kaba wah baner ha Secretariat.

U Bah Enlang Sawian Education Secretary  ka seng HYC haba kren ha ki lat pathai khubor u la ong ba ka jingkynthoh u symbut myntri rangbah ka jylla ban ong ba ki nonghikai kiba ia khih ki dei ki kruin kum ka seng kam lah ban pdiang ia kane ka jingkren.

U Bah Enlang u la ong ba kum ka seng ka don lang bad ki nonghikai kiba pynlong ia ka jingiakhih bad kum ka seng ka pynrem jur ia ka jinngkren u symbut myntri rangbah ka jylla namar ki nonghikai ki dei kita kiba ai ka jinghikai sha ki khynneh skul.

La ong ba kane ka jingkynthoh u bah Prestone ka paw shai kane ka sorkar MDA kaba la ialam da ka NPP kam don kata ka jingburom ia ki nonghikai, la kynnoh kiba shong ha secretariat ki dei ki kruin, ka seng HYC ka ai ka jingkyrshan namar ka shim ba ki mat jingdawa kaba ki nonghikai ki dawa ki long kiba shongnia.

What Next?

Recent Articles

Leave a Reply

Submit Comment

*