Shillong, Naiwieng 10: Mynta ka sngi da ki phew hajar ngut ki riew ngeit ka balang Kathilok kila ia wan na ki lai tylli ki Dioceses, na ka Archdioceses Shillong, na ka Diocese Jowai bad Dioceses Nongstoin ban ia shim bynta ha ka Prosseion bah kaba juh long man la u snem ha iing mane bah Laitumkhrah, Shillong.
Kane ka jingwan ia shim bynta ha kane ka prosession ka long ba kum ki riew ngeit ka balang Katholik ki phla ia ka jingngeit sha ka pyrthei bad ka jingknia Eukharist ka dei ka ba kongsan tam ha ka jingngiet ka balang katholik.
Ia ka jingleh niam ha ka mass bakhuid bad ia ka jingkyrkhu na ka sakremet bakhuld la ai na ka kti jong u Arch Bishop Rev Victor Lyngdoh ha ka jingiadonlang ki lyngdoh sad kiba la wan na kylleng ki parish jong ki lai tylli ki jylla niam.
Ha kane ka sngi 10/11/1934 la pynkynmaw ruh ba dei ha kum kane ka sngi la la pynkyntang Bishop ia u Bishop Louis Mathias bad u Bishop Stephen da u Arch Bishop Ferdinand Perier bad kane ka long ka jingkynmaw burom ia ki missionary kiba la wan sha kane ka thain.
La pynbna ba u snem 2025 un long u snem Jubilee ka Balang shityllup ka pyrthei ia kaba la tip kum ka “ Pilgrims of Hope” la pynbna ba kan long ruh ka snem jingpyniasuk, kan don ka Diamond Jubilee jong u snem 2029 bad u snem 2034 kan long ka jingdap spah snem jong ka Archdioceses.
