Shillong, Naitung 12: Na ka daw jong ka khlam COVID-19 ha ki ki ar snem kiba la dep ka jingleh niam Behdeinkhlam kam shym la lah ban ialum ialang paidbah namar ka daw jong ka khlam, hynrei mynta kila ioh ban iamih ban ia shad ia kmen ban pyndon burom ia kane ka jingleh niam beh dien khlam.
Ha Shillong, kiba dang bat ia ka naimtre kila pyndep ia ki jinglehniam ha kine ki sngi sngi lynter bad mynta ka dei ka jingshad leh kmen shuwa ba kan poi ka sngi ban pyndep ia ka jinglehniam ban noh ia ki Rot ha Aitnar ha Jowai.
Mynta ka sngi ha ka por mynstep kala don ka jignduwai phirat ha ki thliew iing thliew iing jong kiba dang bat ia ka niamtre bad kane ka jingleh ban duwai ban beh ia ka khlam ka ngoh bad ban kyrpad ia u trai kynard ba un ai ka koit ka khiah bad ban kyrkhu banbha ka kamai kajih.
U bah Bebin Kyndiah wei na ki reiw rangbah la iathuh ba kane ka jinglehniam Behdein khlam ha Shillong kala sdang naduh ki snem 1965 bad kala bteng haduh kine ki sngi, kane ka jinglehniam ka dei ka jingialumialang jong ki paidbah Pnar kiba sah ha Shillong.
Ka jinglehniam ka long ban ainguh ia u trai kynrad nongbah nongthaw, ban kyrpad kyrpon ban bha ka kamai kajih bad ban ai bam ia ki bala leit noh ha khmat jong ki, kane ka shad ka kmen ka long ha dien ba la pyndep ia la lehniam lehrukom baroh bad kane kaba ki leh mynta ka sngi ka dei ka jingshad leh kmen.
Ia kane ka jingshad Behdeinkhlam la sdang na Sein Raij ha Stand Jeep bad la noh sha Wahthapbroo poi sha Mawkhar bad poibiang sha kajuh ka jaka ha kaba la pynkut ia ka jingshad kmen da ka jingduwai.
