Shillong, Jymmang 05: Da ki spah ngut wan shimbynta ki khynnah pule Jong ka thaiñ war jaiñtia sha ka jinghikai wat kam ba la pynlong da ka KSU-War Jaiñtia Circle ha Amlarem haka 4 Tarik Jymmang 2024 .
Ha kane ka sngi la wan ai jingkren bad jinghikai da ki Assitant Professors kiba kynthup ia Dr. Chanlemki Lanong, Dr. Kermi U Tariang, Mr. Sashi Teibor Laloo, I Miss Badapbiang Dkhar Tariang bad I bah Batkupar Nongkhlaw.
Ha kane ka Career Guidance Counseling la ai jingpynshai ia ki khynnah pule haka ban jied ia ki lain pule haka Arts Science & Commerce streams bad baroh ki lat ki lynti kiba don hapoh kitei ki lain pule.
Nalor, kitei la la ai jingpynshai ruh haba iadei bad ki kam kiba hap ban ia khun tyngeh kiba dei hapoh jongka MPSC, UPSC bad SSC bad bun kiwei kiwei ki lat ha ka ioh kam ioh jam ymtang ha ki kam sorkar ruh.
Ka KSU ka ai khublei ia baroh kiba la shimbynta sha kane ka program khamtam ia ki kmie ki kpa Jong ki khynnah pule bad baroh kito kiba la ai jingkyrshan ia ka seng ban pynlong ia katei ka prokram ka ba jop.
Ka KSU ka kitbok kitrwiang ia baroh ki khynnah pule ka bri u hynñiew trep ba ap result matric bad class 12 jong ban kin ioh kheit ia u soh jong ka jingtrei shitom bad minot khop ka jong ki. Ka kyrwoh na u Lop. Khonglah President ka KSU War Jaiñtia Cicle.
