Shillong, Jylliew 26: ka Meghalaya Aids Control Society mynta ka sngi kala pynlong ia ka jingiaid paidbah ha kane ka nongbah Shillong ha kane ka sngi rakhe ia ka “International Day against Drugs abuse and illicit trafficking” . Ha kane ka sngi da ki spah ngut ki samla pule kila ia mih paidbah ban pynpaw ia ka jingpyrshah ia ka jingdih drugs.
Ki samla pule kiba la poi ban ia shim bynta ha kane ka jingiaid paidbah ki long na ki College bapher bapher kiba don ha kane ka nongbah Shillong bad kum juh na ki skul. Ia ka jingiaid paidbah la sdang na State Central Library bad la pynkut ha madan Don Bosco ha Laitumkhrah.
Ha kane ka jingiaid paidbah ki samla pule bad ki khynnah skul kila rah ia la ki jong ki jong ki pla kard ha kaba ki la don ki jingthoh kiba pynpaw ia ka jingsngew pyrshah ka jong ki ha kaba ia dei bad ka jingdih drugs bad ka jingsniew kiba mih na kane ka jingdih ba sniew.
Ha ki banner kila thoh ba ka jingdih drugs kam dei tang ba ka pynjot ia u ne ka shimet hynrei ka ktah ka ka iing ka sem ia ka ioh ka kot bad bun kiwei kiwei kiba dei bad ka imlang sah lang ruh kum juh.
Ha kane ka jingiaid paidbah na ka liang jong ki samla pule kila ia pyrta ban pynpaw ia ka jingsngew pyrshah ha kaba kila ia pyrta sangeh noh ka jingdih drugs.
