Nongthliew, Iaiong 01: Mynta ka sngi Ka Khasi Student Union, Umthlong-Nongthliew Circle ha ka jingialam President ka Circle Samla Mining Pathaw ryngkat ka jingsynran lang u Samla Pynshai Rani, Ast. Education Secretary Central body uba dei ruh u Incharge ka Circle bad ryngkat ki dkhot ka Seng na Sohiong Circle.
Ha kane ka sngi la don lang ki nongkitkam shnong ha kane ka jingleit ai jingiarap sngewlem ka seng KSU sha ki 20 tylli ki long iing kiba ha Umthlong, Nongthliew bad ki shnong ba marjan jong ka da ki blanket, dabor bad u khaw sha kito ki longiing kiba shah ktah ha ka jingpynjot ka eriong ha ka 27/03/2019.
Na ka liang ka seng ka kyntu ia ka sorkar ba ka dei ba kan pynkloi ban ai ki lad jingiarap sha kine ki lanot namar ki don ki katto katne ki longiing kaba ki iing jongki kim long shuh tang ban maramot ruh bad kane kan ktah ia ka longing jongki ha ka thiah ka dem bad khamtam eh ia ki khun jongki kiba leit skul.
