Shillong, Lber 31: Ki bor sorkar haba pynlait ia ki paidbah ba kin leit ban thied jingthied mynta ka sngi la shah ruh ban plie ia dukan doh ba kin die ha ki dong bapher bapher jong kane ka nongbah Shillong.
Ki paidbah nongshong shnong jong kane ka nongbah Shillong kila ia mih paidbah ha ka por kumba la buh da ka sorkar bad la khang ha ka ka por ba la buh, ha kane ka sngi la iohi ba bun na ki nongleit thied jingthied kila ieng da u lain ban thied doh.
Ha ka juh ka por bun na ki paidbah haba ki leit ban thied ia kiwei kiwei ki jingdon kam jong ki kim shym la but ia ki jingbthah jong ka sorkar ba kin ia ia ieng jngai iwei na iwei, kane ka long khamtam ha kaba thied jhur.
Ka jingiaroh ka leit ruh sha ki ba bun ki dorbar shnong ha kaba kila ia leh ban pynbeit da kaba ia ieng lain ban ap ia ka pali jong ki ban thied khamtam ha ki jaka die doh. Bun na ki dukan shnong kila but ia ka jingbthah jong ka sorkar.
