Shillong, Risaw, 25: Kiba ha iing ha sem jong u bah Lahdor Khongngai na ka shnong Wahlong kaba don harum Sohra kila hap ban wan kit ha miet sngi ba ar ia u tei u rangbah sha Civil Hospital na ka daw ba u la mynsaw jur na ka daw ba u la shah tied da u tyrmen.
Haba kren ha ki lat pathai khubor u bah Lahdor la iathuh ba kane kala jia ha ka por kumba 10.00 baje mynmiet jong ka miet sngi ba ar, la iathuh ba kane kala jia tang na ka daw ba ka kurim jong u kala ong ia kiba iaid lynti ban nym ia kren ia ki ktien sih.
La kynnoh ba ki briew kiba la buaid ha katei ka por, u wei la sei da u tyrmen bad bom ia u na ka ka bynta jong ka lbong haduh ba um tip briew shuh bad namar ka jingshitom la pynkit ia u sha Civil Hospital Shillong ban ioh ia ka jingsumar.
Haba ia dei bad kane ka jingjia ki pulit kila register ejahar halor kane ka jingjia bad ka jingtohkit ha kaba ia dei bad kane ka jingshah bom u bah Lahbor ka dang iaid, haduh ba thoh ia kane ka khubor u bah Lahbor u dang don ha Civil Hospital ban shah sumar.
