Shillong, Nailur 28: Ka jingbujli myntri na ka party People Democratic Front (PDF) ka dang ia tan hapoh kane ka sorkar Meghalaya Democratic Alliance (MDA) ha kaba la ai bhah ar tylli ki shuki myntri.
Mynta ka sngi ki saw ngut ki MLA jong ka party PDF kila don ka jingiakynduh bad la sngewthuh ba kala don ka jingiakren ha kaba ia dei bad ka jingbujli myntri na kane ka party kaba don ia ka bhah ar tylli ki shuki myntri.
Wat la ki ar ngut ki MLA u Bah Jason S Mawlong bad u bah Gavin M Mylliem kim shym la pynpaw sha bar hynrei ka jingiakren hapoh ka party ban ia ioh bynta lang ha ka kam ban long myntri kala don.
U President ka seng u bah Banteidor Lyngdoh, u la ong ba ka dei ka jingshisha ba mynta ka sngi kila ia kynduh kum ki MLA jong ka party, hynrei u la ong ba kane ka jingiakynduh ka long ban ia kren ia ki kam ki jam kum ki nongmih khmat.
Haba la kylli hato kila ia kren ne em halor ka jingbujli myntri na ka party PDF u bah Banteidor u la ong ba kim shym la ia kren ei ei hynrei ka don ka jingiasngewthuh jingmut hapoh ka party, la iathuh ba kila ia kynduh mynne baroh saw ngut ki MLA ka party.
