Meghalaya Governor House, Shillong. (Photo By Sanjib Bhattacharjee).
Shillong, Rymphang 25: Ka tnad District Council Affair kala dep ban pynkhreh ban pynmih ia ka jingpynbna sorkar ia ki nongjop ha kane ka MDC ba dang shudep sha ki ar tylli ki iing dorbar jong ki District Council sha KHADC bad JHADC.
Ia ki MDC ba dang shu dep jop ia ka elekshon na ka liang jong u Lat ka jylla un sa pynmih ia ka jingpynbna ban buh sngi ban pynsmai ia ki kum ki MDC sha ka iing dorbar jong kaKHADC bad JHADC, ia kaba yn sa pynsmai da Deputy Commissioner kaba u Lat ka jylla yn sa bthah.
Ka ophis jong ka Legislative jong ka KHADC bad ka JHADC ki dang ap ia ka jingpyntip na ka tnad DCA lano yn pynsmai ia ki MDC kiba thymmai sha ki ar tylli ki iing dorbar thawain jong ki District Council.
Ka por treikam jong kine ki ar tylli ki District Council ka KHADC bad JHADC kan kut ha ka 5/Lber/2025 bad ka iaka elekshon ban jied ia u Chief Executive Member sha ki tei ki ar tylli ki iing dorbar kan hap ban long shuwa ka 5/Lber/2025.
