Shillong, Iaiong 20: Ki nongrep hapoh ka jylla haduh mynta kim pat shongthait satia ban
iakhun iaka jingeh halor ka jingshoh khniot kiba harukum ha Iewduh khamtam halor ka jingot kilo beain.
Ki nongrep hapoh ka shatri Hill Farmer Union (HFU) hapoh ka jingialam jong u President bah Commander Shangpliang bad u bah Alfondbirth Kharsyntiew General Secetary hynnin ka sngi ki la leit ban iakynduh ia u Chief Executive Member (CEM) jong ka KHADC ha kaba ki la dawa n aka District Council b aka dei ban pynduh noh i aka jingot kilo be-ain ha Iewduh bad ki iew bapher bapher
kiba hap hapoh ka jingpeit jong ka District council.
Ki mat jingdawa kiba la leit rah da ka seng ki long, Ban pynmih da ka hukum ban nym ot kilo be-ain ia ki mar rep kiba leit die ha Iewduh bad ban bthah ia u Syiem ka Hima Mylliem ba un pyntreikam ia hukum ba u la pynmih kaba mana ia ki nongkhaii kiba dang bteng ban ot kilo be-ain haduh mynta.
Ba ki Nongkhaii kin da ai da ka receipt kaba thikna sha ki nongrep
namar kumba ka long mynta ki shu ai receipt tang da ki kot sla copy
bad kane ka wanrah jingeh ia ki nongrep.
Ban ailad ia ki Nongrep ban die ia ki mar jongki ha Iew die langhaduh ka por 2 baje nohphai sngi kumba la Rai da ka Dorbar u Syiem ka Hima Mylliem bad ban buh da ka sign Board kaba shai.Ban pynduh trading license ia dukan jong ki bar jylla lada ki dang bteng ban ot kilo be-ain ia ki mar rep.
Ban pynmih da ka hukum ban nym shim bai musur ia ki mar rep kiba khia hapoh 30 kilo haba ki leit die ha Iewduh.Ban thaw noh da ka tnad treikam ba kyrpang kaba dei peit ia ki Nongrep. Ban pynmih da hukum ba kino kino ki nongthied ki dei ban siew pisa
noh mar iadep thied ia ki mar.
Na ka liang jong u CEM bah Teinwell Dkhar u la kular ban shimkhiahalor kitei ki jingeh kiba la leit rah da ka seng HFU. Ka seng ka laleit iakynduh ruh ia u bah Pyniaid uba dei u Dy CEM bad na ka liangjongu ruh u la iathuh ba council ka la thaw i aka committee ka banpeit kyrpang ia ki jingeh ki nongrep ha Iewduh bad ka seng ka kyrmen skhem ba yn lah ban pynbeit ia kane.
Na kal iang jong u bah Commander shangpliang President u la ong b aka seng ka shim ia kane ka jingiakynduh kaba seisoh bad u ong b aka seng ka ngeitskhem bad kyrmen ba kane ka Executive kaba mynta hapoh ka jingialam jong u bah Teinwell kan lah ban pynbeit ia kane ka jingeh kaba ki nongrep ki iakynduh.
U la ong ba ka seng hi kan nym shongthait ban buddien halor kitei kijingeh kiba ki nongrep ki iakynduh tad haduh ba ynda lah ban pynbeit,ha ka juh ka por u la kyntu ia ki nognrep ba kin long kiba iatylli.
