Shillong, Risaw 25: Ka shnat HYC Nongthliew mynta ka sngi ka la leit ban ia kynduh bad ruh ban ai da ka jing thoh ha u director jong ka tnad pule puthi u Swapnil Tembe IAS, ha ka ba iadei bad ka jing kyntiew kyrdan ia ka Umthlong Nongthliew Govt secondary School sha ka Higher Secondary school ha kaba kane kadei ka jing kular ka ba ka goverment ka la ai ruh ka jingmynjur ha u snem 2019.
Ha ba ia kren bad u bah Jop Kharnaior uba dei u president ka shant HYC Nongthliew u la pynpaw ba kane ka school ka la ai ka jingshakri ia palat 18 tylli ki shnong bad ha kane ka thaiñ kam shym pat la don wat tang kawei ruh ka Government Higher secondary School, lait noh tang kawei ka private Higher Secondary school.
Kumta na ka liang ka HYC ka la buh ka jingkyrpad sha ka sorkar bad kumjuh ruh sha U Director ka tnad pule puthi ba kin shim khia ia kane ka kam khnang ban wan rah jing myntoi ia ki khynnah ki ba pule ha kine ki thaiñ.
