Shillong, Rymphang 10: Mynta ka sngi ka seng KSU kala leit ban ai da ka jignthoh sha u myntri pynroi nongkyndong u Bah Hamlet Dohling ha kaba kila dawa ba ka sorkar ka dei ban ai ia ka Blok ha Wahkaji.
Na ka liang jong ka seng KSU ha ka jingthoh ban pynksan ia ka jingdawa ia ka C&RD Block ha Wahkaji ka long halor ka nongrim ba bun na ki shnong ka tei ka thain ki shimpor palat lai kynta ba poi sha Ranikor Blok kaba ki hap mynta bad ka jingjngai ka long hapdeng 30 bad 60 km.
Kumba ka long kane ka thain Wahkaji ka dei ka jaka kaba kyndong tam bad kaba dang sah dien sha ba palat hapoh jong ka SWKH District, ban kyntiew ia katei ka thain ha ki kam pynroi la don kam ban don ia ka Blok ha katei ka thain Wahkaji.
Ha kane ka jingdawa ban ioh ia ka Blok ha katei ka jaka na ka liang jong ka KSU kala jer kyrteng ruh ia ki shnong lada pynioh ia ka blok kiba don ki long baroh haduh 45 tylli ki shnong.
Ki kyrteng jong ki shnong ki long, ka Nongmluh, Mawphansaw,Thangbyrniang, Mawmynsor, Mawthungmlang, Phlangmawprah, Phlangdiloin, Pyndensynia, Rangkhiat, Langpa, Phudumiap, Newphanwer, Langplei, Rngimawpat, Wahkaji, Mawkhlaitngap, Mawthabah,
Nongbahjynrin, Domiasiat, Mawpat, Umdohlun, Lawsiej, Nongdiloin, Umsaw, Mariem, Demnar, Awro, Marshan, Ngundilang, Mawjarain, Pyndenumjarain, Nongrinniang, Nongummer, Nongtyniaw, Majai, Puinskei , Mawhiangrnga, Mawnore, Nongtnger, New Nongtnger, Nongtynïam, Mawphanrang, We teng, New Majai.
Ha ka jingthoh kaba la phah sha u mytnri pynroi nongkyndong na ka liang jong ka KSU kala kyntu ia ka sorkar ba kan pynioh ia ka Blok hapoh katei ka jaka na ka bynta ban kyntiew ia katei ka thain kaba dang sah dien haduh kine ki sngi.
