Shillong, Jylliew 14: Ka seng KSU ha dien ba kala iohi ha ki lat pathai khubor ba ka don kata ka jingkynnoh ba kumba shilak byrni u khaw ba dei jong ka jylla Meghalaya la ia khaii tuh ia kaba la ioh kem da ki pulit jong ka jylla Assam ia ki 13 tylli ki trok kiba isuba ia ka rukom iaid jong ki mynta ka sngi ki lait leit ban rah lama ha ophis ka FCI kaba don ha Mawlai Mawroh ban pynpaw ia ka jingpyrshah.
U samla Donal V Thabah general secretary ka seng KSU u la ong ba kum ka seng ka don ka jingsngewkhia haba ka ioh ba ia u khaw kaba ka sorkar pdeng kala mang ia ki paidbah ka jylla Meghalaya lyngba ka National Food Security Act 2013 la kynnoh ba kala don ka jingpyndon kam bakla.
Ia u khaw jong ka jylla Meghalaya la pynrung ha ka kyrteng jong ka East Sunrise Kompeni na ka liang jong ka seng ka sngewsih ban ioh ia kane jyrsih bad kumba ka paw u symbut myntri rangbah ka jylla u bah Prestone ruh u len ia kane la ong ba ka shong eh ha ka Foof Corporation India.
Kum ka seng ha dien ba la ioh sngew ia kane ka jingkren jong u symbut myntri rangbah ka jylla kum ka seng kila leit ia kynduh ia u Genenral Manager jong ka FCI u T N Singh ba dei peit ia ka FCI sha kane ka thain shatei lam mih ngi.
Ha kane ka jingiakynduh na ka liang jong u General Maranger jong ka FCI u la ong ba um don jingtip ei ei ruh em halor kane ka jingia kynnoh bamsap ia u khaw namar kum ka ophis kala dep phah ia une u khaw sha ka tnad Social Welfare bad kane ka shong eh ha ka tand Social Welfare jong ka sorkar jylla.
U Samla Donal u la ong ba ka don ka jingiapher ha ka jingai jingtip ha kaba ia dei bad kane ka kam namar u symbut myntri rangbah u la ong ba um don jingtip ei ei katba u Social Welfare Minister u kynnoh kylla ia ki nongshallan ia u khaw.
Kane ka jingjia ka long ba sngewsih ban jia ha kaba ka dang don kane ka khlam kangoh ha kaba kum ka seng ka dang leit sha ki shnong ki thaw ban kner ia ki jingiarap ia ki paidbah namar kane ka jingkhangkam hynrei kaba sngewsih ka long ba ia ialeh lyndet ia ka bhah jong ki ba duk.
Na ka liang jong ka seng KSU ka dawa ba ka sorkar ka dei ban thung ia ka kynhun tohkit bad ban pynshitom ia baroh kito kiba don kti ha kane ka tuh la kynnoh u nongialam ka KSU, lada ka sorar kam leh ei ei wat hapdeng kane ka jingkhang dam ka seng kan shim ia ki sien jam kiba tyngeh.
Haba jubab ia ki jingkylli u samla Donal u la ong ba kane ka jingiabam sap ka juh don bad ban pynduh ia kane kam dei ki paidbah hynrei dei kito kiba shong ha secretariat.
