Shillong, Jylliew 20: Mynta ka sngi ka seng KSU kala ai ia ka dorkhar sha ka Director General ki Pulit (DGP) ka jylla ka kong Idashisha Nongrang bad ha kane ka dorkhas kila dawa ban weng noh ia ka khyrdop jong ki shipai BSF kiba don ha jingkieng Sonapyrdi ha East Jaintia Hills District.
Ka KSU kala dei ba ka jingbuh ia ki BSF ha shilynter ka surok bah bah NH-6 ka long ba beain bad kane kam iarap ban iada ia u pud u sam bad kam lah ban ia da na ka jignwanrung kyrthep ki Bangladesh sha India.
Ha kane ka jingthoh ba ka jingdon jong ki BSF ha Sonapyrdi ka dei ka jaka jong ki riewshimet bad kane ka dei ka jingshong beain, ym tang katta hynrei kila pyndik ia ki paidbah katei ka thain na ka por sha ka por.
Ka KSU ha kane ka dorkhas kala kynnoh ba don ki shipai BSF kiba la buaid kila ktah kti wat ia ki khynnah skul na ka shnong Huroi, kitei ki long tang ki katto katne ki bynta hynrei kila don bun kiwei kiwei ruh kaba ki BSF kila dep don bor ha katei ka jaka.
Haba ia dei bad kine ki jingjia la ujor na ka por sha ka por ha DC bad SP jong ka East Jaintia Hills District hynrei kam poi shano shano kita ki jingujor. Kum ka seng ka don ka jingsngewsyier na kane ka jingleh klumar jong ki BSF ha katei ka thain khamtam kiba sah ha shnong Sonapur, Rattacherra bad Hingaria.
Ha ka juh ka por ka seng ka kyntu ban buh shuh ia ka jaka talasi ia ki mynder ha ktei ka surok bah NH-6, ka daw ka long ba bun na kine ki nongwan rung tuh na Bangladesh ki wan lyngba ki khlaw bah jong ka thian Kuliang. Ki la pan ruh ban don ka tnad pulit ha East Jaintia Hills ban pyniaid ia ki kali.
Ha kane ka jingthoh kaba kila ai ka long ba lada don ka tnad pulit ban peit ia ki kali kan iarap ban pynlait na ka jingkhapngiah kali, ha ka juh ka por ba hikai ia ki paidbah ban shngian haba iaid ieng, ia kane ka dorkhas la soi da u samla Stream N Suchen Presdient bad Kwilniss S Suchiang Secretary ka KSU East Jaintia Hills District.
