Shillong, Risaw 25: Ki dkhot ka KSU Umdohlun Circle hapoh ka jingialam jong u Samla Aiciless Lyngdoh, General Secretary ka seng lem bad ka jingsynran lang jong u Samla Pauldeep Tongwah, Secretary Employment and Development Cell jongka KSU South West Khasi Hills District ban pynsngew halor ki jingeh ha kaba iadei bad ka jingduh bording electric ba khah khah hapoh ka thain bad ruh ban pynsngew iaka jingdonkam ban ai bording noh sha ki Shnong ki bym pat don light haduh mynta.
Ka seng ka la pynsngew bad dawa iaka sorkar jylla lyngba ka jingthoh ba ngi la phah sha ka Deputy Commissioner South West Khasi Hills District halor ki ar tylli ki mat kiba ngi i ba ki long ki mat kiba donkam tam ba ka sorkar ka dei ban leheiei noh kham kloi. Ka ba nyngkong ka long ba namar ka jingduh light ba khah hapoh ka thain ki la sngewdei kum ka seng ba ka sorkar ka dei ban buh noh daka Sub Station jongka tnad Bording hapoh jongka thain Wahkaji bad Umdohlun khnang ba yn lah ban weng iaki jingeh jongka jingduh light khah khah bad khnang ba yn lah ban weng ruh ia ki jingjynjar kiba mih naka bording electric.
Ha kane ka jingiakynduh, ka seng ka la ioh ban pynsngew ruh sha ka Deputy Commissioner iaka jingdonkam ban ai ne connect light noh ha Shnong Domiasiat, Mawthabah, Nongbah Jynrin, Nongtnger, New Nongtnger, Nongmalang bad Langmyndia. Kumba long mynta kine ki Shnong kim pat don light satia bad kum ka seng ngi sngew ban ong ba imat ka sorkar jylla ka la pynjynjar khnang ia kane ka thain ba kan lah ban pynbor iaki paitbah ban shah sngewbha iaki Pre-uranium mining projects bad ruh ban pynbor ba kin shah ban khlong ia u marpoh khyndew uranium ha ka thain.
La iohi iaki post electric ba ieng ha Shnong Nongtnger hynrei kum ka seng ngi pynpaw ka jinglyngngoh ba balei pat ka sorkar haduh mynta kam pat lah ban leheiei ban pyndep iaki jingdonkam halor kane ka bynta. Hooid, naka liang jongka DC ka sngewthuh iaki jingeh kane ka thain halor ka jingdonkam ban pynbiang iaka bording electric bad i la pynsngew ruh ba na ka liang jongi in pyrshang halor kine ki mat khnang ban weng iaki jingeh u paitbah.
Ka seng shen kan sa iakynduh ruh iaki bor ba hakhlieh jong ka MePDCL bad ki kyntu ruh ia u Bah Pius Marwein, MLA ka thain ba dei ban shimkhia halor kane ka mat. Kane ka dei ka kyrwoh na u samla Aiciless Lyngdoh, General Secretary, KSU Umdohlun Circle.
